Arzu Niftalıyeva vəfat etdi

Bakı Dövlət Universitetinin (BDU) Ekologiya və torpaqşünaslıq fakültəsinin "Torpaqşünaslıq və aqrokimya" ixtisası üzrə IV kurs tələbəsi Arzu Niftalıyeva vəfat edib.

News24.az Publika.az-a istinadla xəbər verir ki, bu barədə BDU-nun mətbuat xidməti məlumat yayıb.

Universitetin rəhbərliyi və kollektivi tələbənin vaxtsız vəfatından kədərləndiyini bildirib, ailəsinə başsağlığı verib.

Allah rəhmət eləsin!

Qeyd edək ki, dünən Bakı Dövlət Universitetinin Beynəlxalq münasibətlər və iqtisadiyyat fakültəsində "Politologiya" ixtisası üzrə təhsil alan IIl kurs tələbəsi Kənan Abıyev avtoqəza nəticəsində həyatını itirib.