Klubdakı işini itirdi, millidən də istefaya göndəriləcək

Azərbaycanın futzal millisinin baş məşqçisi Vitali Borisova vaxt verilib.

O, dekabrda istefaya göndərilə bilər.

Futzal federasiyasının (AFF) rəhbərliyi onun qarşısına konkret məqsəd qoyub - AVRO-2026-nın əsas mərhələsində uğurlu çıxış etmək.

Yığma mübarizəyə dekabrda doğma meydanda start verəcək. Komanda dekabrın 17-də İsveçi qəbul edəcək.

Yanvarın 31-də Xorvatiyanın qonağı olacaq milli fevralın 4-də Bakıda Yunanıstanı sınağa çəkəcək.

Martın 11-də səfərdə Yunanıstan, aprelin 11-də İsveçlə görüşlər baş tutacaq. Sonuncu qarşılaşma isə aprelin 15-də evdə Xorvatiyaya qarşı olacaq.

Reqlamentə əsasən, qrup qalibləri birbaşa final mərhələsinə vəsiqə qazanacaq. Ən yaxşı göstəriciyə malik qrup ikincilərindən 8-i isə pley-off mərhələsində üz-üzə gələcək.

Qalib gələn 4 milli final mərhələsində oiyimizxnamaq hüququ qazanacaq. Final mərhələsi 2026-cı ilin yanvar-fevral aylarında Latviya və Litvada təşkil olunacaq.

Çalışdırdığı kollektiv Baltika respublikalarına bilet əldə etməsə, Borisovin 2 illik milli karyerasına son verməsi gərəkəcək.

Daha öncə xəbər verdiyimiz kimi, o, “Araz-Naxçıvan”ın sükanı arxasından ayrılıb.

Klubdaxili iclas zamanı komandanın Çempionlar Liqasındakı çıxışı müzakirə olunub və nəticə qeyri-qənaətbəxş hesab olunub. Buna görə də Vitali Borisovla qarşılıqlı razılıq əsasında müqaviləyə xitam verilib.

Baş məşqçi vəzifəsinin icrası müvəqqəti olaraq Predraq Rayiçə həvalə olunub.

Vitali Borisov və Predraq Rayiç 2023-cü ilin iyulundan Azərbaycan millisində və “Araz-Naxçıvan”da çalışırdı. Borisov baş məşqçi təyin olunduqdan sonra serb mütəxəssisi məşqçilər korpusuna dəvət edib.//sportinfo