Kollagen haqqında məşhur mif dağıdılıb - Yeni TƏDQİQAT

Müntəzəm zülal əlavələri kollagen qədər effektiv şəkildə qırışların qarşısını ala bilər.

Sfera.az xəbər verir ki, bu barədə Daily Mail-ə Lancaster Universitetindən biogerontoloq (qocalma biologiyası üzrə tədqiqatçı) doktor Devid Klans məlumat verib.

Alim izah edib ki, kollagen orqanizmdə dərinin, qığırdaqların və sümüklərin elastikliyinə töhfə verən mühüm struktur zülaldır. Bədəndəki bu zülalın səviyyəsi yaşla birlikdə azalır, buna görə də bir çox insan gənc toxumanı qorumaq üçün əlavələr qəbul edir.

Bəzi erkən araşdırmalar göstərib ki, kollagen həqiqətən dərinin elastikliyini və nəmlənməsini yaxşılaşdırmağa kömək edir və bəlkə də dırnaqları və saçları gücləndirir. Lakin Klansın fikrincə, belə təcrübələrin nəticələri qeyri-dəqiq ola bilər. Fakt budur ki, kollagenin qəbulunun təsirinin digər zülal əlavələri ilə müqayisə ediləcəyi heç bir araşdırma hələ aparılmayıb. Adi zülalın oxşar faydalı xüsusiyyətlərə malik olması ehtimalı yüksəkdir.

Biogerontoloq əlavə edib ki, qırışların qarşısını almaq üçün dəri kremindən istifadə etmək daha asan və daha ucuz olar. Onun istifadəsi kollagen əlavələrinə bənzər effekt verəcək və büdcəyə ziyan “vurmayacaq”.