Sevgilisindən ayrılan qızın kurortdabaşına oyun gəldi

İspaniyanın məşhur Tenerife kurortunda şotlandiyalı turist əyləncədən sonra təcavüzə məruz qalıb.

Lent.az-ın xarici KİV-ə istinadla xəbərinə görə, hadisə 2023-cü ilin yanvarında baş verib, lakin təqsirləndirilən şəxs məhkəməyə yalnız indi çıxıb. İclasda qız bildirib ki, Playa-de-las-Americas kurortunda istirahətdə olarkən bir gənclə mübahisə edib və ayrılıb və bir müddət sonra naməlum şəxs ona hücum edib.

Turist etiraf edib ki, içdiyi spirtli içkiyə görə həmin gecə baş verənləri dəqiq canlandıra bilmir, ancaq maşında onun üstünə oturub, əlləri boynuna dolanan və ona qarşı zorakılıq edən kişini xatırlayır. Bundan sonra təcavüzkar onu bir az məsafəyə sürüb düşürüb və şotlandiyalı qadın kömək üçün yerli işçiyə, o isə polisə müraciət edib. Kişi məhkəmədə zərərçəkmişin ağladığını və şok vəziyyətində olduğunu iddia edib.

Hadisə yerinə gələn hüquq-mühafizə orqanlarının əməkdaşları qızın bədənində qan görüb və onu xəstəxanaya göndəriblər. Daha sonra hüquq-mühafizə orqanlarının əməkdaşları şübhəli şəxsi saxlayıblar. Onun 40 yaşlı ispan olduğu üzə çıxıb və o, sonradan nəzarətə götürülüb.

Mənbə bildirib ki, dövlət ittihamçıları təqsirləndirilən şəxsin təqsirli bilinəcəyi təqdirdə 14 il müddətinə azadlıqdan məhrum edilməsini istəyir.