Dollarla bağlı PROQNOZ

Dünyanın indiki vəziyyəti iki dünya müharibəsindən əvvəlki dövrü çox xatırladır.

News24.az Medianews.az-a istinadla xəbər verir ki, bu barədə məşhur rusiyalı iqtisadçı Valentin Katasonov deyib.

Onun sözlərinə görə, bəşər tarixində ən böyük hərbi münaqişələr həmişə sırf iqtisadi səbəblərdən, xüsusən də aparıcı dünya dövlətlərinin onlardan istifadə edərək ölkələrini ağır iqtisadi böhranlardan çıxarmaq istəməsi ilə alovlanıb.

“İkinci Dünya Müharibəsi ABŞ-yə dövləti mövcudluq həddinə çatdıran Böyük Depressiya fəlakətindən tam sağalmağa imkan verdi. Əgər bu münaqişə olmasaydı, Amerika indiki formada bu gün mövcud olmazdı. Mövcud vəziyyət bundan yaxşı deyil: dollara əsaslanan beynəlxalq sistem dağılır və son illərini yaşayır. Çıxış yolu yeni dünya müharibəsi ola bilər ki, “dolların dəbdəbəli dəfn mərasimi” bütün planeti öz kraterində məhv edə bilsin”,- o qeyd edib.