Səsvermə başladı: Harris, yoxsa Tramp?

Kamala Harris və Donald Trampın rəqabət apardığı ABŞ prezident seçkilərində səsvermə başlayıb.

News24.az xəbər verir ki, Demokrat namizəd Kamala Harris səsvermə prosesi başlayandan sonra X sosial media hesabında paylaşım edib.

Harris yazıb: "Seçki günü gəldi. Biz bu gün səs veririk, çünki ölkəmizi sevirik və Amerikanın vədlərinə inanırıq".

Ölkənin şərqində seçki məntəqələri açılmağa başlayıb və seçicilər ilk səslərini verməyə başlayıblar.

Konnektikut, İndiana, Kentukki, Men, Nyu-Cersi, Nyu-York və Virciniya ştatlarında seçicilər seçki məntəqələrinə gedirlər.

Daha əvvəl Vermont və Nyu-Hempşirdə seçki məntəqələri açılıb.

Günel Məlikzadə