Bu ölkədə 4 mərtəbəli bina uçdu: Ölənlər var

Tanzaniya prezidenti Samiya Suluhu Həsən Darüs-Salamda 4 mərtəbəli binanın uçması nəticəsində 13 nəfərin öldüyünü, 84 nəfərin isə yaralandığını bildirib.

News24.az xəbər verir ki, G20 Liderlər Zirvəsinə qatılacağı Braziliyada açıqlama verən Həsən, binanın çökdüyü Kariakoo bölgəsində axtarış-xilasetmə işlərinin davam etdiyini bildirib.

Həsən, hökumətin prioritetinin insanların həyatını xilas etmək olduğunu və Kariakoodakı binaların dayanıqlığını araşdırmaq üçün bir qrup təyin etdiklərini söyləyib.

Ordu da daxil olmaqla təcili yardım qrupları sağ qalanların yerini müəyyən etməyə çalışır.

Məryəm İlhamqızı