Yolda maraqlı "İXTİRA": Skuterə oturacaq quraşdırdı - VİDEO

Türkiyədə bir müddət əvvəl Oğuzhan Bostanın sərxoş vəziyyətdə avtomobil idarə etdiyi üçün sürücülük vəsiqəsi əlindən alınıb.

News24.az xəbər verir ki, alternativ nəqliyyat vasitəsi axtaran Bostan sürücülük vəsiqəsi tələb olunmayan elektrikli skuter alıb. Bostan ayaq üstə səyahət etməkdən yorulub və skuterə ev oturacağını taxıb.

Bostan sosial media hesabında yumoristik yanaşma ilə ev oturacağında skuter sürdüyü videosunu "Sürücülük vəsiqəmi itirəndə mən" ifadəsi ilə paylaşıb.

Polis qrupları isə Oğuzhan Bostanı yük daşıdığı və sürət həddini aşdığı üçün 3 min 12 lirə pul cəzası kəsib.

Günel Məlikzadə