San-Marinodan möhtəşəm göstərici

Ötən gün San-Marino millisi Lixtenşteynə 3:1 qalib gəlib.

Qollar: Aron Sele 40' - Lorenzo Lazzari 46', Nikola Nanni 66', Alessandro Qolinuççi 76'

News24.az Forvard.az-a istinadən xəbər verir ki, D Liqasının 1-ci qrupunu 7 xalla lider tamamlayaraq C Liqasına vəsiqə qazandı.

Əlavə olaraq San-Marino:

- Tarixlərində ilk dəfə qrupu I pillədə tamamladılar.

- Tarixlərində ilk dəfə rəsmi matçda geridönüşə imza atdılar.

- Tarixlərində ilk dəfə rəsmi qarşılaşmada 3 qol vurdular.

- Tarixlərində ilk dəfə rəsmi oyunda səfər qələbəsi qazandılar.

- Tarixlərində ilk dəfə bir il ərzində 2 rəsmi matçda 3 xala sevindilər.

Qeyd edək ki, bu axşam İsveçdə "möcüzə" baş verməsə, şanlı San-Marinonu D Liqasında Azərbaycan əvəz edəcək.