Yola qaçan azyaşlı son anda maşının altında qalmaqdan xilas oldu - REAL VİDEO

Xaçmazda qayda pozan azyaşlı piyada qəzadan son anda xilas olub.

News24.az Avtosfer.az-a istinadla bildirir ki, hadisə bir müddət əvvəl günorta saatlarında qeydə alınıb. Videodan da göründüyü kimi, məktəbli təyin olunmamış yerdən keçməyə çalışır. Belə ki, o, soldan gələn maşına baxmadan yola qaçır və son anda nəqliyyat vasitəsini görərək geri çəkilir. Xoşbəxtlikdən sürücü ehtiyatlı davranaraq avtomobili saxlayır və azyaşlının yolu keçməsinə şərait yaradır. 

Təəssüflə qeyd edək ki, bəzi valideynlər övladlarına məsuliyyətsiz yanaşırlar. Onların bir qismi uşaqlarını nəzarətsiz qoyaraq videodakı kimi halların baş verməsinə zəmin yaradırlar. Hətta övladıyla birlikdə yolu keçən zaman belə diqqətsiz davranaraq onların qayda pozmalarına səbəb olurlar.