Gürcüstanda prezidentliyə sabiq futbolçunun namizədliyi verildi – Foto

Hakimiyyətdə olan "Gürcü arzusu - Demokratik Gürcüstan" partiyası deputat və sabiq futbolçu Mixeil Kavelaşvilinin ölkə prezidenti vəzifəsinə namizədliyini irəli sürüb.

News24.az xəbər verir ki, bu barədə “Gürcü arzusu - Demokratik Gürcüstan” partiyasının lideri Bidzina İvanişvili mətbuat konfransında bildirib.

İvanişvili əmin olduğunu bildirib ki, Kavelaşvili "prezidentlik institutunun müvəqqəti olaraq əlindən alınmış şərəfini geri qaytaracaq" və 29 dekabrda keçiriləcək andiçmə mərasimindən sonra "prezident tərəfindən xəyanət və konstitusiyanın ardıcıl pozulması praktikasının, prezidentlik institutuna böyük ziyan vurulmasına səbəb olduğu dövr geridə qalacaq". 

Partiyanın qurucusu qeyd edib ki, Kavelaşvili "xarici güclərin deyil, Gürcüstan dövlətinin və xalqının maraqlarına xidmət edəcək".

Aynurə