21 saylı marşrutdan sərnişinlər narazıdır - Son dayanacaqda həmişə...

Sərnişinlər 28 May - Gəncə prospekti istiqamətində hərəkət edən 21 saylı avtobus marşrutundan narazıdır.

News24.az xəbər verir ki, günün əksər vaxtı 20-30 dəqiqə dayanacaqlara gec çatması müştəriləri narahat edir. Hətta davamlı olaraq bu problem 28 May metrosunun yanındakı son dayanacaqda da yaşanır. 

Məsələ ilə bağlı "Baku Bus"a sorğu ünvanladıq. Qurumun ictimaiyyətlə əlaqələr şöbəsinin müdiri Əsmər Əliyeva  sorğumuza cavab olaraq bildirib ki, dekabrın 4-də 21 nömrəli müntəzəm marşrut xətti 09:06-da 28 May metro stansiyasından xəttə çıxıb. 

"Yollarda hərəkətin müvəqqəti məhdudlaşdırılması səbəbindən ( Yusif Səfərov küç.) Xocalı prospektində 3 avtobus tıxacda dayanıb. 

Növbəti avtobus isə 28 May metro stansiyasından 09:23-də səfərə başlayıb”, - deyə o bildirib.

Ağa Dadaşzadə