“Whatsapp”a "ev yıxan" yenilik gəlir

"WhatsApp"-ın ən son "Android" beta versiyasına effektiv yeni funksiya gəlir. 

News24.az Söz.az-a istinadla xəbər verir ki, bu xüsusiyyət bəziləri üçün faydalı olsa da, bir çoxu üçün o qədər də ürəkaçan olmayacaq. 

Bu funksiya tətbiqin "Android" beta versiyasında "2.24.25.29" kodu ilə sınaqdan keçirilib.

Funksiya oxumaq şansınız olmayan mesajları unutmanızın qarşısını alacaq.

Sözügedən funksiya işə salındıqdan sonra "WhatsApp" oxunmamış mesajlar, xüsusən də istifadəçilərin müntəzəm ünsiyyətdə olduğu insanlar üçün xatırlatmalar göndərəcək.

Bu təkmilləşdirmə istifadəçilərin digər söhbətlərə cavab verməyə üstünlük versələr belə, ən çox əlaqə saxladıqları insanların vacib mesajlarını qaçırmamalarını təmin edəcək.