"Mançester Yunayted" 17 yaşlı müdafiəçini alır

İngiltərənin "Mançester Yunayted" klubu "Cerro Porteno"nun17 yaşlı paraqvaylı sol cinah müdafiəçisi Dieqo Leonu transfer etmək üçün şifahi razılığa gəlib.

News24.az xəbər verir ki, bu barədə jurnalist Fabrizio Romano məlumat yayıb.

Məlumata görə, futbolçunun transferi üçün ilkin ödəniş 3,8 milyon avro və əlavə olaraq 1 milyon avro və oyunçunun və ya komandanın gələcək nailiyyətlərindən asılı olaraq, 3,3 milyon avrodan çox olacaq. Dieqo Leonun İngiltərə klubuna 2025-ci ilin iyulunda gələcəyi qeyd olunur.

17 yaşlı Dieqo Leon Cerro "Porteno" klubunun yetirməsidir. Bu mövsüm müdafiəçi Paraqvay klubunun heyətində 19 matçda iştirak edib və iki qol vurub. Ümumilikdə futbolçu meydanda 1642 dəqiqə keçirib. 

Qeyd edək ki, futbolçunun hazirki qiyməti 1 milyon avrodur.

Ağa Dadaşzadə