Başına ayı düşən ovçu öldü - Təsadüfi HADİSƏ

Ov zamanı vurulan ayının ağacdan düşməsi nəticəsində 58 yaşlı kişi ölüb.

News24.az xəbər verir ki, birlikdə ova getdiyi dostları adama ilkin tibbi yardım göstərib. Həmin adamı iki fərqli xəstəxanaya köçürsələr də, onun həyatını xilas etmək mümkün olmayıb.

Ov zamanı rastlaşılan gözlənilməz hadisələr bəzən yüngül yaralanmalar, bəzən də ağır xəsarətlər və hətta ölümlə nəticələnə bilər. Heyvanın böyüklüyü və ağırlığı çox olduqca fəsadlar da artır.

Qeyd edək ki, 2018-ci ildə Alyaskada bir ovçu ayı yamacdan aşağı yuvarlanaraq onun üzərinə düşməsi nəticəsində ağır yaralanmışdı. 2019-cu ildə Şimali Karolina ştatında bir ovçu ağacın başında ayı vurduqdan sonra ayı onun üzərinə yıxılaraq uçurumdan yuvarlanaraq yaralanmışdı.

Bu dəfə ABŞ-ın Virciniya ştatında 58 yaşlı kişi ov zamanı ağaca dırmaşan ayının vurularaq yerə yıxılması nəticəsində həyatını itirib. Lester C. Harvey adlı ovçuya ilk yardımı onun dostları edib.

Məlumata görə, ovçuların qovduğu ayı ağaca dırmaşıb. Dəstə ağacın yanından uzaqlaşmaq istəyərkən ovçulardan biri ayını vurub. Güllə ilə vurulan ayı ağacın altında dayanmış Harvinin üzərinə düşüb.

Qrup üzvlərindən biri Harviyə ilk tibbi yardım göstərib. Harvi hadisə yerindən iki müxtəlif xəstəxanaya aparılsa da, aldığı xəsarətlərdən dünyasını dəyişib. Həyatını itirən 58 yaşlı kişinin 5 uşağı və 8 nəvəsinin olduğu bildirilib.

Aynurə