Kanalizasiya sisteminin qoşulması zamanı çökmə: Ölən Var

Ankarada kanalizasiya sisteminin yeni binaya qoşulması işləri zamanı çökmə baş verib. Hadisə nəticəsində bir işçi həlak olub, daha bir işçinin dağıntılar altından çıxarılması üçün axtarışlar davam edir.

News24.az bu barədə manset.az-a istinadən xəbər verir.

Çökmə yeni tikilmiş binanın yanında kanalizasiya quyusu qazılarkən baş verib. İşlər özəl şirkət tərəfindən həyata keçirilib. Qazıntı zamanı çökmə baş verib, iki işçi dağıntılar altında qalıb.

İşçilər hadisə barədə məlumat verdikdən sonra hadisə yerinə polis, yanğınsöndürmə, tibb və xilasetmə xidmətləri, həmçinin fövqəladə hallar idarəsi və təbii fəlakətlərin idarə olunması qurumları cəlb olunub. Artıq bir işçinin meyiti tapılıb, ikincinin xilas edilməsi üçün axtarışlar davam edir.