
-
- 2-04-2025, 16:05
- 476
Hava kəskin pisləşəcək: Əhaliyə XƏBƏRDARLIQ
Bu gün Gürcüstanda hava pisləşəcək, yağış və ildırım gözlənilir.
News24.az Aktual.ge-yə istinadla xəbər verir ki, bu barədə Milli Ətraf Mühit Agentliyi məlumat yayıb.
"2 aprel tarixinin ikinci yarısından 3 aprel gününün sonuna qədər Gürcüstanda yağış və ildırım, bəzi yerlərdə güclü olacaq, küləyin artması da mümkündür.
Gözlənilən yağış çaylarda suyun səviyyəsinin əhəmiyyətli dərəcədə yüksəlməsinə, kiçik çaylarda isə su axınlarının yaranmasına səbəb ola bilər. Ölkənin dağlıq ərazilərində qarlı hava şəraiti nəticəsində qar uçqunları meydana gələ bilər, habelə təpəlik və dağlıq zonalarda sürüşmə və sel hadisələrinin aktivləşməsi ehtimalı var (təhlükə səviyyəsi orta),"- deyə açıqlamada bildirilir."