Beynimizi gənc saxlamaq üçün - NƏ ETMƏLİYİK?

Yaş ötdükcə alzheimer, parkinson kimi xəstəliklər artır. 

News24.az xəbər verir ki, bu səbəbdən yalnız uzun ömür deyil, beyni gənc saxlamaq – yəni “nöro-longevity” də önəmli sayılır.

Nöroloq Prof. Dr. Derya Uludüz bildirir ki, sağlam və funksional beyin üçün bu suallara cavab verə bilməliyik:

– Yaddaşımız necədir?

– Əzələlərimiz və balans hissimiz yerindədir?

– Sevdiklərimizin adını xatırlayırıq?

– Ruh halımız sabitdir?

Beynin sağlam qalması üçün aşağıdakı vərdişlərə diqqət yetirin:

1. Yuxu rejimi – Gündə 7-8 saat yatmaq vacibdir. Yuxu zamanı beyin həm istirahət edir, həm də özünü təmizləyir.

2. Stresin idarəsi – Uzunmüddətli stres beyin hüceyrələrini zədələyir. Meditasiya, nəfəs məşqləri və sosial dəstək vacibdir.

3. Hərəkət – Fiziki fəaliyyət yaddaşı gücləndirir, xoşbəxtlik hormonlarını artırır. Qaçış, yoga və güc məşqləri tövsiyə olunur.

4. Zehni fəaliyyət – Yeni dil öyrənin, bulmaca və oyunlarla məşğul olun. Beyni işlətmək onun gənc qalmasını təmin edir.

5. Qidalanma və həyat tərzi – Sağlam qidalanın, yetərli su için, sosial olun və həyatınızı sadələşdirin.

Unutmayın, beyin sağlamlığı gənc yaşlarda qorunmağa başlanmalıdır. Gələcəkdə peşman olmamaq üçün indidən addım atın.

Xeyrənsə Piriyeva