Erkan Özaral Türkiyə ilə Azərbaycan arasında viza rejiminin ləğvinə münasibət bildirdi

"Türkiyə ilə Azərbaycan arasında viza rejiminin ləğvi xalqlarımız arasında həm iqtisadi, həm də sosial əlaqələrin inkişaf etdirilməsinə xidmət edəcək". 
News24.az-ın xəbərinə görə, bunu jurnalistlərə açıqlamasında Türkiyənin Azərbaycandakı fövqəladə və səlahiyyətli səfiri Erkan Özaral bildirib. Onun sözlərinə görə, bundan sonra iki ölkə arasında gediş-gəlişlər asanlaşacaq: "Turizm inkişaf etdiriləcək. Doğrudur, indiyədək vizanın verilməsi asan idi. Amma viza rejiminin ləğvi həm də simvolik bir məna daşıyır. İki dövlət bir millət olaraq, xalqlarımızın bir-biri ilə əlaqələri daha sıxlaşacaq. Bu qərar həm də turizmin inkişaflna təkan verəcək. İş adamlarının fəaliyyətinə müsbət təsir göstərəcək"

Afaq Mirayiq