İlham Əliyev Oqtay Şirəliyevin də sözünü kəsdi – Xəstəxanalarda generator yoxdur!

"Bütün strateji obyektlərin generatorlarla təchizatı məsələsini öyrənmək lazımdır. İlk növbədə xəstəxanaların və Metropolitenin. Baxmayaraq ki, səhiyyə naziri müşavirədə məlumat verdi ki, bütün xəstəxanalarda generatorlar işləyir, məndə olan informasiyaya görə, bu, həqiqətə uyğun deyil. Bəzi klinikalarda generatorlar işləmir –onlar ya yoxdur, ya da qoşulmamışlar və ya işlək vəziyyətdə deyillər”.

Bunu Azərbaycan Prezidenti İlham Əliyev ölkənin energetika sistemindəki vəziyyətə həsr edilmiş bugünkü müşavirədə deyib.

Dövlət başçısı bu barədə ciddi yoxlama aparılmasını və ölkənin bütün xəstəxanalarında işlək vəziyyətdə olan generatorlarla bağlı məlumat verilməsini tapşırıb.