Azərbaycan Televiziyası Mədəniyyət Kanalının təşkilatçılığı ilə oktyabr ayının 3-dən 6-dək keçirilən “Milli Nəfəs Alətləri Festivalı” bu gün “Azərbaycan milli nəfəs alətlərinin təbliği və tədqiqi” mövzusunda elmi-praktiki konfransla təntənəli şəkildə açıq elan edilib.

News24.az xəbər verir ki, konfransda Azərbaycan Televiziyası Mədəniyyət Kanalının direktoru, festivalın bədii rəhbəri Ramil Qasımov çıxış edərək Azərbaycanda bu festivalın milli nəfəs alətlərimizin təbliği istiqamətində mühüm əhəmiyyət kəsb etdiyini vurğuladı. O, həmçinin qeyd etdi ki,Ölkəmizdə,milli və professional musiqimizin təbliğində dövlətimizin,ölkə rəhbərliyinin gördüyü işlər əvəzsizdir. Hər zaman Mədəni irsimizin təbliği istiqamətində, ölkə hüdudlarından kənarda ölkəmizin birinci vitse-prezidenti, UNESCO və İSESKO-nun xoşməramlı səfiri, Heydər Əliyev Fondunun prezidenti Mehriban xanım Əliyevanın daimi diqqət və qayğısı,Onun rəhbərliyi və təşəbbüsü ilə həyata keçirilən layihələrin musiqimizin inkişafı yolunda böyük əhəmiyyətli var. Bu yaxınlarda Heydər Əliyev Mərkəzində baş tutan qədim musiqi alətlərinin sərgisi, UNESCO-nun qeyri-maddi mədəni irs siyahısına daxil edilmiş nümunələr Azərbaycan mədəniyyətinin nə qədər qədim  tarixinin olmasını bir daha təsdiqlədi.

Milli nəfəs alətləri festivalı da  bu kimi tədbirlərin davamı olaraq, düşünürəm ki, musiqi həyatımıza bir töhfə olacaq.Dövlətimizin bu siyasətinin davamı olaraq Azərbaycan Televiziyası Mədəniyyət Kanalının bu kimi layihələrinin davamlı olacağını bildirdi.

Həmçinin konfransın qonaqları – xalq artisti Siyavuş Kərimi, siyasi elmlər üzrə fəlsəfə doktoru Asif Usubəliyev, xalq artisti Murad Hüseynov da bu festivalın keçirilməsinin yeni nəslin milli ruhda formalaşmasına da əvəzsiz töhfə verəcəyini labüd hesab etdi.

Üç gün ərzində bu festival çərçivəsində müxtəlif konsert salonlarında – Beynəlxalq Muğam Mərkəzi, Azərbaycan Milli Konservatoriyasında fərqli və rəngarəng tədbirlərin keçirilməyi nəzərdə tutulur.

Fotolar

Teglər: Azərbaycan İlk dəfə Milli Nəfəs Alətləri Festivalı Azərbaycan Televiziyası Mədəniyyət Kanalı
Kotanli