Sabiq vitse-prezidentdən 600 milyon avroluq CİNAYƏT

Suriyanın keçmiş vitse-prezidenti Rifat Əsəd çirkli pulların yuyulmasında günahlandırılır.

News24.az xarici KİV-ə istinadən xəbər verir ki, cinayətdə prezident Bəşər Əsədin 82 yaşlı dayısı Rifat Əsədlə birgə onun 8 övladı da daxil olmaqla 13 nəfər ittiham olunur. Məlumata görə, sabiq vitse-prezident İspaniyada 600 milyondan artıq çirkli pulun yuyulmasında iştirak edib.

Qeyd olunur ki, onlar 1980-ci ildən başlayaraq cinayətkar dəstə kimi fəaliyyət göstəriblər.  

İspaniya məhkəməsi qruplaşmanın İspaniyada 509 daşınmaz əmlakının, hesablarında 695 milyon avro vəsaitinin olduğunu açıqlayıb.