Heydər Əliyev Fondu şəhid oğluna EV TİKDİ - VİDEO

“Cənab prezident İlham Əliyev və birinci-vitse prezident, Heydər Əliyev Fondunun rəhbəri Mehriban xanım Əliyeva xalqın yaxşı, firavan yaşaması üçün əlindən gələni əsirgəmirlər. Hər zaman vətəndaşların yanında olub onların problemlərinin həlli yolunda tapşırıqlar verirlər. Bu dəfə də onlar daha bir ehtiyaclı ailəyə yardım göstərdilər”.

Bu sözləri News24.az-a “Xəzər” Televiziyasının “Hər şey daxil” proqramının aparıcısı Tarix Əliyev deyib.

O bildirib ki, sentyabrın 24-də “Hər şey daxil” proqramında şəhid övladı Elxan Mehdiyevin sosial şəbəkələrdəki müraciəti təqdim olunub. Veriliş efirə gedəndən dərhal sonra Heydər Əliyev Fondu müraciətlə bağlı reaksiya verib: “Verilişdən sonra Heydər Əliyev Fondu Elxanın müalicə üçün xəstəxanaya yerləşdirilməsinə yardım etdi. Daha sonra onun ciddi təmirə ehtiyacı olan mənzilinin əvəzində yeni ev tikilməsi üçün göstəriş verdi. Heydər Əliyev Fondunun Regional İnkişaf İctimai Birliyi tərəfindən həyətdə Elxan Mehdiyev üçün yeni ev tikildi. Biz də "Hər Şey Daxil" proqramı olaraq Heydər Əliyev Fondunun bu xeyirxah əməlinə şərik olduq. Xəzər” Televiziyasının aldığı hədiyyələrlə Elxana yeni evində baş çəkdik. “Xəzər Televiziyasının, “Hər şey daxil” proqramının ictimailəşdirdiyi bu məsələnin belə gözəl nəticələnməsindən çox məmnunam”.