60 ildə ilk dəfə il qubernator seçkiləri KEÇİRİLDİ

Kubada 1959-cu ildə inqilabın qələbəsindən sonra ilk dəfə olaraq 15 əyalətin qubernator və müavinlərinin ilk seçkiləri keçirilib.

News24.az xəbər verir ki, bu barədə "Sinxua" məlumat verib. Qeyd olunub ki, şənbə günü xalq hakimiyyətinin bələdiyyə məclislərinin nümayəndələri toplantı keçirərək Kuba prezidenti Miguel Diaz-Kanelin irəli sürdüyü əyalətlərin qubernator və müavin namizədlərinə səs veriblər.

Kuba Xalq Hökuməti Milli Məclisinin rəsmi saytında Kuba Seçki Komissiyası səsvermədə cəmi 12 min 244 bələdiyyə məclisinin nümayəndəsinin iştirak etdiyini, 12203 bülletenin etibarlı elan olunduğunu bildirilib.

Qeyd edək ki, vilayət qubernatoru vəzifəsi 1959-cu ildə Kuba inqilabının lideri Fidel Kastro tərəfindən ləğv edilib. 2019-cu ilin aprelində qüvvəyə minən ölkənin yeni konstitusiyası qubernator və müavin vəzifələrini bərpa edib.