Son 6 ildə 1460 nəfər Azərbaycana READMİSSİYA EDİLDİ

Dövlət Miqrasiya Xidməti (DMX) 2014-cü ildən bu günə qədər olan readmissiya sayını açıqlayıb. 

News24.az xəbər verir ki, DMX-dan Apa-nın sorğusuna cavab olaraq bildirilib ki, xaricdə qanunsuz yaşayan vətəndaşlarımızın ölkəyə qayıtması prosesinin beynəlxalq hüquqi çərçivədə tənzimlənməsi ilə bağlı imzalanmış readmissiya sazişləri çərçivəsində Dövlət Miqrasiya Xidməti tərəfindən işlər davam etdirilir.

Hazırda qüvvədə olan readmissiya sazişlərinə əsasən, 2014-cü ildən etibarən ümumilikdə 1460 nəfər ölkəyə readmissiya edilib.