Rusiyaya qanunsuz tütün keçirmək istəyən azərbaycanlı saxlanıldı

Azərbaycanlı Rusiyanın Dağıstan Respublikasının Məhərrəmkənd gömrük məntəqəsindən qanunsuz tütün keçirmək istəyib.

News24.az-ın Skfo.ru-ya istinadən verdiyi xəbərə görə, Rusiyaya gedən “Mercedes-Benz” markalı avtomobildən 1500 qutu çeynənən tütün aşkar edilib.

45 kq-dan çox ağırlıqda olan tütün maşının baqaj hissəsindən tapılıb.

Qeyri-qanuni gətirilən mallar müsadirə olunaraq ekspertizaya göndərilib.

Faktla bağlı araşdırma aparılır.