Türkiyə və Azərbaycan Səhiyyə nazirləri koronavirusu müzakirə etdilər

Türkiyə və Azərbaycanın Səhiyyə nazirləri arasında telefon danışığı olub. 

News24.az “Haber Global”-a istinadən xəbər verir ki, bu barədə Türkiyənin Səhiyyə naziri Fahrettin Koca öz “Twitter” hesabı vasitəsilə açıqlama yayıb. 

Nazir bildirib ki, azərbaycanlı həmkarı Oqtay Şirəliyevlə söhbət zamanı bütün dünyada həyəcana səbəbolan koronavirus, ondan qorunma yolları ilə bağlı müzakirələr aparıblar. 

Hər iki dövlət rəsmisi virusa qarşı alınacaq tədbirlər barəsində qarşılıqlı fikirlərini bölüşüblər.