İsgəndər Həmidov vəfat etdi

Azərbaycanın sabiq daxili işlər naziri İskəndər Həmidov vəfat edib.

News24.az xəbər verir ki, bu barədə onun həkimi, professor Adil Qeybulla sosial şəbəkədə məlumat verib.

Qeyd edək ki, İsgəndər Həmidov 1948-ci ildə oktyabrın 4-də Kəlbəcər rayonunda anadan olub. 1965-ci ildə Tərtərdə orta məktəbi bitirib. O, 1992-ci il mayın 16-dan 1993-cü il aprelin 16-a qədər Azərbaycan Respublikasının Daxili İşlər naziri vəzifəsində çalışıb. İ.Həmidov bir müddət idi ki, ağır xəstəlikdən əziyyət çəkirdi.