Binədə 616 evə QAZ VERİLDİ
    • 28-02-2020, 18:28
    • 722

Binədə 616 evə QAZ VERİLDİ

Fevralın 28-də Xəzər rayonu, Binə qəsəbəsi "Atçılıq" adlandırılan ərazidə Badam bağlarının ətrafında yerləşən yeni massivin qazlaşdırılması işləri başa çatdırılıb.

"Azəriqaz" İB-dən News24.az-a verilən məlumata görə, yaşayış massivinin qazlaşdırılmasına ötən ilin iyul ayında başlanılıb və iki mərhələdə həyata keçirilib. Birinci mərhələdə müxtəlif diametrli borularla 38 471 metr, ikinci mərhələdə isə 10 092 metr qaz kəməri çəkilib.

Ümumilikdə 616 fərdi yaşayış evinin qazlaşdırılması üçün müxtəlif diametrli metal borularla 48 563 metr uzunluğunda qaz kəməri çəkilib. Hər bir mənzil qaz sayğacı və fərdi tənzimləyici ilə təmin edilib.