ÜST rəhbəri Azərbaycana səsləndi: "Xəstəlik hallarına erkən reaksiya verilsin"

"Azərbaycana tövsiyyə edirik ki, xəstəlik hallarına erkən reaksiya verilsin, müalicə gücləndirilsin".

News24.az xəbər verir ki, bunu ÜST missiyasının rəhbəri Karolina Braun deyib.

Onun sözlərinə görə, Azərbaycanda olduqları bir həftə ərzində dövlət qurumları ilə görüş keçirilib, əsas diqqət yetirməli məsələlər müzakirə edilib:"Dövlət qurumları ilə apardığımız müzakirələrə, elmi araşdırmaların nəticələrinə uyğun olaraq, tövsiyyələrimizi formalaşdırdıq. Xəstəlik hallarının sayı çoxaldığından "Covid- 19" pandemiya elan olunub. Bu, bizim strategiyalarımızı dəyişdirməyib. Bəzi ölkələrdə xəstəlik halı qeydə alınmayıb. Profilaktik tədbirlərimizi davam etdiririk. "Covid 19"-un pandemiya elan olunması ilə bağlı ölkələrə çağırış edildi, pandemiya ilə mübarizə aparmaq sahəsində cəhdlərini səfərbər etsinlər".

Afaq Mirayiq