Azərbaycanda bir həftədə 58 mindən artıq AĞAC ƏKİLDİ

Ekologiya və Təbii Sərvətlər Nazirliyi tərəfindən yaz ağac əkini davam edir. 

Ekologiya və Təbii Sərvətlər Nazirliyinin mətbuat xidmətindən News24.az-a verilən məlumata görə, meşələrin İnkişafı Departamentinin əkin sektorunun müdiri Rəhim İbrahimov bildirib ki, son bir həftə ərzində Quba, Ağcabədi, Şəmkir, Göygöl, Bərdə, Zaqatala və Şamaxı rayonlarında Regional Meşə Təsərrüfatı Mərkəzləri və yerli idarəetmə orqanlarının əməkdaşları tərəfindən 50 hektar ərazidə  58 150 ədəd müxtəlif meyvə və meşəcinsli ağac əkilib. 

O qeyd edib ki, yaz ağac əkini mövsümü başlayandan bugünədək ümumilikdə regionlarda 150 hektar sahədə 174 350 müxtəlifcinsli ağac əkilib.