Koronavirusdan sonra Çində daha bir virus tapıldı -Ölən var
    • 24-03-2020, 23:06
    • 666

Koronavirusdan sonra Çində daha bir virus tapıldı -Ölən var

Bütün dünya koronavirusla mübarizə apardığı bir vaxtda Çində yeni bir virusun meydana gəlməsi barədə xəbərlər yayılıb.

News24.az  Çinin "Global Times" nəşrinə istinadən xəbər verir ki, hantavirus adlanan bu xəstəlikdən ölkənin Yunnan əyalətində bir nəfər avtobusda dünyasını dəyişib. Aparılan yoxlama nəticəsində həmin şəxsin hantavirusdan vəfat etdiyi müəyyən edilib. Avtobusda olan digər 31 nəfər üzərində test aparılıb və onlar karantinə alınıb.

Qeyd edək ki, hantavirus siçanlar vasitəsilə insana yoluxur. Buna görə də, bu virusun insandan insana keçməsi təhlükəsi yoxdur. Bu virusun əlamətləri yorğunluq, qızdırma, əzələlərdə ağrı və qanamadır. Virus eyni zamanda, insanda yüksək təzyiqə, böyrək çatışmazlığına, ağciyərin zədələnməsi kimi hallara səbəb olub ölümə yol aça bilir.