"Karantin yerləri istirahət mərkəzləri deyil" - TƏBİB rəsmisi

"İndiki testlər Almaniya istehsalı olanlardır. Bu da həm maliyyə, həm də vaxt tələb edir".

News24.az xəbər verir ki, bunu TƏBİB-in Xəstəliklərin kontrolu və profilaktikası şöbəsinin müdiri Yaqut Qarayeva brifinqdə çıxışı zamanı deyib.

Onun sözlərinə görə, bu günə qədər ölkədə 30 minə yaxın şəxs test edilib: "Bütün günü karantin rejimində olan xəstələrin şikayət etməməsi üçün çalışırlar. Karantin yerləri istirahət mərkəzləri deyil. Bizə də rahat olar ki, hər kəsin evində müalicə olunmasını istəyək. Ancaq bu tibbi baxımından düzgün deyil. Ona görə də hər kəs karantin qaydalarına ciddi əməl etsinlər".

Afaq Mirayiq