Angela Merkel Tereza Meyi təhqir etdi

Avropa yeni siyasi qalmaqalla çalxalanıb.  Almaniya və Böyük Britaniyanın xanım liderləri arasında soyuq savaş başlanıb.

News24.az  xəbər verir ki, hadisə dünən Zaltsburqda Avropa İttifaqı liderlərinin qeyri-rəsmi görüşündə baş verib.

Almaniya kansleri Angela Merkel Böyük Britaniyanın Baş naziri Tereza Meyin əlini sıxmamaqla onu ictimai surətdə təhqir edib.

Qeyd edilir ki, T.Mey bir neçə avropalı liderlə birlikdə dayandığı zaman A.Merkel onlara tərəf yaxınlaşıb. Baş nazir gülümsəyib və A.Merkelə tərəf əyilib, amma sonuncu bunu görməməzlikdən gələrək Litva Prezidenti Dalya Qribauskayteyə yaxınlaşıb.

Britaniya KİV-inin yazdığına görə, daha əvvəl A.Merkel fərdi söhbət zamanı Baş nazirə Böyük Britaniyanın "Brexit" üzrə danışıqlarda bir az səbirli olmasının vacibliyini bildirib.