Masazırda binadakı partlayış nədən olub? - Sakinlər DANIŞDI

Xəbər verdiyimiz kimi, ötən axşam Masazırda mənzildə partlayış olub. Partlayış nəticəsində xəsarət alanlar olub.

News24.az xəbər verir ki, hadisə Abşeron Gənclər şəhərciyində 1-ci binanın 6-cı blokunda 4-cü mərtəbədə baş verib.

Partlayş nəticəsində 2 mənzilə və 4 avtomobilə ciddi ziyan dəyib. Blokun sakinləri təxliyə edilib, kommnukasiya xətləri kəsilib.

Şahidlərin sözlərinə görə, onlar evdə olarkan partlayış olub.

İddialara görə, hadisəyə səbəb qaz sızması olub və partlayış nəticəsində 4 nəfər yaralanıb. Onlardan ikisinin vəziyyətinin ağır olduğu bildirilir.