Çin ÜST-ə 30 MİLYON DOLLAR AYIRDI

Çin koronavirus infeksiyası ilə mübarizə üçün ÜST-ə daha 30 milyon dollar ayırmaq qərarına gəlib.

News24.az xarici KİV-ə istinadən xəbər verir ki, bu barədə ölkənin xarici işlər nazirliyinin sözçüsü Hua Çunying "Twitter" səhifəsində bildirib:"Çin COVID-19 ilə qlobal mübarizəni dəstəkləmək üçün, xüsusən də inkişaf etməkdə olan ölkələrin səhiyyə sistemlərini yaxşılaşdırmaq və inkişaf etdirmək üçün ÜST-ə əlavə 30 milyon dollar pul ayırmaq qərarına gəlib".

Qeyd olunub ki, Çin martın 11-də ÜST-ə 20 milyon dollar ayırıb:"Bu vacib anda, ÜST-ə dəstək, çoxtərəfli və beynəlxalq həmrəyliyə dəstəkdir".