Tanınmış aktyor metro çıxışında saxlanıldı

Aktyor və musiqiçi Fatih Göksel Aydoğduoğlu, saxta polis kapitanı şəxsiyyət vəsiqəsi ilə yaxalanıb.

Kimliyi özünün hazırladığını etiraf edən aktyor barədə baş prokurorluq məhkəməyə iddianamə təqdim edib.

İstanbul baş prokurorluğu tərəfindən hazırlanan iddianamədə olay belə qeyd edilib: "Taksim metro stansiyasının İstiqlal küçəsi çıxışında kimlik yoxlaması aparan polislər hərəkətlərindən şübhələndikləri aktyor Fatih Göksel Aydoğduoğlundan vəsiqə tələb ediblər".

5 ilə qədər həbsi tələb edilən Fatih Göksel Aydoğduoğlu saxta polis kimliyini hal-hazırda rol aldığı seriala görə daşıdığını və bacısına göstərmək üçün yanında daşıdığını iddia edib. 

//Sabah.az