Əfəndiyev Xəstəxanasının 7 tibb bacısında koronavirus AŞKARLANDI -EKSKLÜZİV

M.Ə.Əfəndiyev adına 2 saylı Şəhər Kliniki Xəstəxanasının 7 tibb bacısı koronavirusa yoluxub.

News24.az-ın əldə etdiyi məlumata görə, hazırda onların müalicəsi aparılır:
"Xəstəxanada tibb işçilərinin bütün geyimləri, avadanlıqlar xüsusi dezinfeksiyaedici məhlulllarla hər gün təmizlənir. Tibb işçiləri 3 növbədə işləyirlər,  saat 08:00-dan 16:00-a qədər birinci növbə, 16:00-dan 23:00-a qədər ikinci növbə, üçüncü növbə isə gecədən səhərə kimi çalışır: 

“Tibb işçiləri üçün avtobus ayrılıb, xəstəxanadan hotelə, hoteldən xəstəxanaya gətirilir. Bizi təəssüfləndirən odur ki, bu qədər əziyyət çəkirik, hələ də kimlərsə koronavirus yoxdur deyə inanmır. Skafandırda, ağzı bağlı, əllər bağlı bütün günü bədənimizdən su axır. 3 aydır ki, ailə üzvlərimizi görmürük. Yalnız telefonla virtual danışırıq. Bütün günü ağlayırıq, evlə danışırıq ürəyimiz partlayır, hoteldə tək otururuq. Yoluxmayaq deyə hoteldə də bir-birimizin otağına getmirik. Ancaq telefonla əlaqə saxlayırıq". 

Afaq Mirayiq