Türkiyədə 121 jandarma əməkdaşı ömürlük HƏBS EDİLDİ

Türkiyə jandarma idarəsinin 120-dən çox keçmiş əməkdaşı ölkədə çevrilişə cəhddə ittiham olunaraq ömürlük həbs cəzasına məhkum edilib.

News24.az Türkiyə KİV-nə istinadən xəbər verir ki, məhkəmə 121 jandarma işçisini konstitusiya quruluşunu pozmağa cəhd maddəsi ilə günahkar bilib.

Türkiyə hakimiyyəti FETO (Fəthullahçıların terror təşkilatı) adlandırılan terror təşkilatını 2016-cı ilin iyulunda çevrilişə cəhddə ittiham edir.

Türkiyədəki üsyandan sonra 80 mindən çox insan həbs olunub, 160 mindən çox məmur, o cümlədən hərbi qulluqçu işdən çıxarılıb və ya işdən kənarlaşdırılıb.