İran Trampı “İnterpol”la AXTARIŞA VERDİ

İran hakimiyyəti general Qasım Süleymaninin öldürülməsinə görə ABŞ prezidenti Donald Trampın beynəlxalq axtarışa verilməsi və həbs olunması üçün İnterpola sorğu göndərib.

News24.az xarici KİV-ə istinadən xəbər verir ki, bu barədə Tehranın prokuroru Əli Mehr məlumat verib. Bildirilib ki, Qasım Süleymaninin qətlində iştirak edən digər ölkələr də daxil olmaqla, D.Tramp və 36 ABŞ nümayəndəsi siyahıya daxil edilib.

İRNA agentliyinin verdiyi məlumata görə, İran İslam Respublikasının məhkəmə orqanları "İnterpol vasitəsi ilə cinayət məsuliyyətinə cəlb edilmə və qırmızı status haqqında" əmr verib.

İran prokurorunun sözçüsü D.Tramp və digər şəxslərin qətl və terror fəaliyyətində günahlandırıldıqlarını vurğulayıb.