III qrupda 600 baldan yuxarı nəticə göstərən abituriyentlərin sayı AÇIQLANDI

“Bu il III qrupda Azərbaycan və rus bölməsində 600 baldan yuxarı nəticə göstərən abituriyentlərin sayı 555 nəfərdir, bu, çox yüksək rəqəmdir”. 

News24.az-ın məlumatına görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.

DİM sədri bildirib ki, abituriyentlərin arasında hüquqşünaslığa getmək istəyənlər ödənişlini də seçə bilərlər: "Keçən il hüquqşünaslıq (tədris ingilis dilində) üzrə keçid balı 650,4 bal, hüquqşünaslıq Dövlət İdarəçilik Akademiyasında 640,9 bal idi”.