Rusiyalı kosmonavt kosmosda keçirtdiyi 6 aydan danışdı: "Yadplanetli kimiydim"

1997- ci ildə “Soyuz TM-25” ilə kosmosa uçan, "Mir" Orbital kompleksində 184 gün qalan rus kosmonavt  Aleksandr  Lazutkin, ordakı günləri ilə bağlı verilən sualları cavablayıb.

1.Orda olanda nə hiss edirdiniz?

Bir müddət orda qaldıqdan sonra artıq özümü yadplanetli kimi hiss edirdim.Komanda yenilənib başqa insanlar gələndə, deyirdim “insanlar” gəlib. Psixoloji cəhətdən insan çox dəyişir.

2.Ən çox nə üçün darıxırdınız?

Kosmosa uçmazdan əvvəl, dünyadakı yeməklər üçün darıxacağımı düşünsəm də, ordakı yeməklər də dadlı idi. Ən çoxda yatağım üçün darıxdım, orda cazibə qüvvəsi olmadığına görə, istənilən yerdə yatmaq olurdu.

3.Ən böyük xəyalınız nədir?

Ən böyük xəyalının Marsda getmək olduğunu bildirən Lazutkin, “Marsa getmək üçün hazırıq, bütün şərtlər təmin olunub. Sadəcə bir problem qalıb ki, o da radiasiyadan qorunmaqdır. Onun da həll olacağını düşünürəm” deyib.

4.Dünya düzdür,yoxsa yumru?

Kosmonavt bu suala, “Mən şəxsən özüm gördüm, dünya yumrudur. Buna inanmayanlar kosmosa çıxsın. Hər şeyi öz gözləri ilə görəcəklər” deyib.

Şəlalə Ağayeva