"Əlimizdən gələni edəcəyik ki, sizi doğma torpaqlarınıza qaytaraq" - İlham Əliyev

“Azərbaycan xalqı öz torpağında yaşamalıdır. Azərbaycan vətəndaşı vətən həsrətindədir. Ermənilər tərəfindən zorla didərgin salınmış insanlar öz ocaqlarına qayıtmaq istəyirlər”.

News24.az xəbər verir ki, bunu Azərbaycan Prezidenti İlham Əliyev keçirdiyi Təhlükəsizlik Şurasının iclasında deyib. 

Dövlət başçısı deyib ki, Azərbaycan Ordusu əks-hücum keçirir: “Deyə bilərəm ki, əməliyyat uğurla keçirilir. Prezident Aparatına, Müdafiə Nazirliyinə məlumat verdik ki, əhali məlumatlandırılsın. Onu deyə bilərəm ki, uğurlu əməliyyat nəticəsində düşmənin hərbi qüvvəsinə böyük ziyan vurulub. Və əks-hücum nəticəsində işğal altında olan bir neçə yaşayış məntəqəsi işğaldan azad edildi. Bu münasibətlə Azərbaycan xalqını təbrik edirəm! 

Baxın Ağdamın, Füzulinin qalıqlarına. Baxın işğal edilmiş məscidlərin dağıdılmış vəziyyətinə. Bütün bunları erməni cəlladları törədib. 
Biz tam haqlıyıq, əlimizdən gələni edəcəyik ki, sizi doğma torpaqlarınıza qaytaraq”.