"Xankəndi ətrafında olan hərbi bazalar Azərbaycan Ordusu tərəfindən vurulub" - Hikmət Hacıyev

"Bu müharibə Azərbaycan xalqının vətən müharibəsidir. Xalqımız 30 ildir Ermənistanın işğalına dözürdü. Ancaq bu gün ordumuzun strateji üstünlüyü Ermənistanı qıcıqlandırır". 

News24.az xəbər verir ki, bu sözləri Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bu dəqiqələrdə keçirilən brifinqdə məlumat verib. H.Hacıyev qeyd edib ki, Ermənistan öz acizliyini, zəifliyini nümayiş etdirərək qorxaqcasına təxribatlara əl atır:"Onlar bu gün xarici medianı toplayaraq guya Xankəndində yanğınların olması barədə məlumatlar verir. Xankəndi ətrafında olan hərbi bazalar Azərbaycan Ordusu tərəfindən vurulub. Amma onların yaydığı məlumatlar provikasiyadır".