Şuşanın işğaldan azad olunması Münhendə qeyd olunub (FOTO)
    • 10-11-2020, 13:06
    • 527

Şuşanın işğaldan azad olunması Münhendə qeyd olunub (FOTO)

Münhen Azərbaycanlıları Mədəniyyət Mərkəzinin təşəbbüsü ilə Münhendə yaşayan azərbaycanlılar Azərbaycanın qədim mədəniyyət mərkəzlərindən biri, Qarabağın incisi Şuşanın işğaldan azad edilməsi münasibəti ilə avtoyürüş təşkil ediblər.

Diasporla İş üzrə Dövlət Komitəsindən News24.az-a verilən məlumata görə, həmvətənlərimiz hər zaman, o cümlədən müzəffər Azərbaycan ordusunun qələbə salnaməsi yazdığı bu günlərdə daimi Azərbaycanın yanında olduqlarını bildiriblər.

Avtoyürüşün sonunda iştirakçılar “Şuşa Qarabağdır!” “Qarabağ-Azərbaycandır!” şüarları səsləndiriblər.