Azərbaycanlı politoloqdan Polad Bülbüloğluna: "Erməniləri rahatlatmaq üçün..."

"Rusiya rəsmiləri və bu ölkənin xarici işlər naziri Sergey Lavrov  erməniləri rahatlatmaq üçün elə hey deyirlər ki, Dağlıq Qarabağda Türkiyə sülhməramlıları olmayacaq".

News24.az xəbər verir ki, bunu “Atlas” Araşdırmalar Mərkəzinin rəhbəri, politoloq Elxan Şahinoğlu deyib.

Politoloq sözlərinə belə davam edib: "Təəssüf ki, bu xora Azərbaycanın Rusiyadakı səfiri Polad Bülbüloğlu da qoşulub. Biriləri bunları anlatsın ki, Şuşa, Hadrut və azad edilmiş bir sıra bölgə, qəsəbə və şəhər Dağlıq Qarabağın içidir və buralar Azərbaycan qoşunlarının nəzarəti altındadır, ona görə də türkiyəli sülhməramlılar (əgər biz bunu istəyiriksə) buralarda yerləşə bilər. Lavrova və Bülbüloğluna lütfən bunu izah etsinlər".