Şamaxıda qəza: sərnişin ÖLDÜ, sürücü XƏSARƏT ALDI

Şamaxı rayonunda ölümlə nəticələnən yol-nəqliyyat hadisəsi baş verib.

Daxili İşlər Nazirliyinin (DİN) Mətbuat Xidmətindən News24.az-a verilən məlumata görə, hadisə noyabrın 27-si saat 10 radələrində Şamaxı rayonunun Məlikçobanlı kəndi ərazisində qeydə alınıb.

Rayon sakini G.Usubalıyevin idarə etdiyi “VAZ-21015” markalı minik və Bərdə rayon sakini Ə.Şirinovun idarə etdiyi “Mercedes” markalı yük avtomobilləri toqquşub.

Nəticədə G.Usubalıyevin sərnişini, Məlikçobanlı kənd sakini Elnur Xəlilov aldığı xəsarətlərdən hadisə yerində ölüb, özü isə xəstəxanaya yerləşdirilib.

Şamaxı RPŞ tərəfindən araşdırma aparılır.