Qazaxıstanda yeni hökumət TƏSDİQLƏNDİ

Qazaxıstan prezidenti Kasım-Jomart Tokayevin fərmanı ilə yeni hökumətin heyəti təsdiqlənib.

News24.az-a yerli KİV-ə istinadən xəbər verir ki, yanvarın 15-də yeni seçilmiş Məclis (parlamentin aşağı palatası) qarşısında istefa verən əvvəlki hökumət üzvlərinin əksəriyyəti vəzifələrində qalıb.

Yeni hökumətdə xarici işlər naziri Muxtar Tleuberdi həm də baş nazirin müavini vəzifəsində çalışacaq. Həmçinin milli iqtisadiyyat nazirinin müavini olmuş Əsəd Erğəliyev də milli iqtisadiyyat naziri, əmək və əhalinin sosial müdafiəsi naziri vəzifəsinə isə Serik Şəpkenov təyin olunub.