Badamdar sürüşmə sahəsində SON VƏZİYYƏT

Badamdar sürüşmə ərazisində monitorinqlər aparılır. 

News24.az xəbər verir ki, bunu Ekologiya və Təbii Sərvətlər Nazirliyinin (ETSN) Geoloji Kəşfiyyat Xidmətinin rəisi Əli Əliyev deyib. 

O bildirib ki, hazırda mütəxəssislər tərəfindən əraziyə baxış keçirilir və sürüşmə ərazisində stabilləşmə yoxdur: “Vəziyyət mürəkkəb olaraq qalır. Sürüşmə qaşı hissəsində uçub tökülmələr müşahidə olunur. İstinad divarında zəif deformasiya var. Bəzi yerlərdə də zəif su çıxışları müşahidə olunmaqdadır ki, bu da təhlükəni doğuran faktorlardandır. 

Monitorinqlər sürüşmə qərarlaşana qədər davam edəcək. Hələ qərarlaşma yoxdur. Eyni zamanda zəif su çıxışlarının olması prosesin dinamikasında inkişafın olduğuna dəlalət edir”.