Zelenskiyə qarşı impiçment başlayacaq

Ukraynanın "Müxalifət Platforması - Həyat Üçün" partiyası Prezident Vladimir Zelenskiyə qarşı impiçment prosedurunu başlatmaq niyyətində olduğunu açıqlayıb. 

News24.az RİA-ya istinadən xəbər verir ki, parlament fraksiyasının həmsədri Vadim Rabinoviç bu addımın telekanalların bağlanması qərarı ilə əlaqəli olduğunu bildirib.

Eyni zamanda Prezidentin ofisindən bildirilib ki, kanalların bağlanmasının senzura deyil, təbliğatla mübarizədir.

Qeyd edək ki, 2 fevral tarixində Vladimir Zelenski müxalif Ukrayna mediasına və onların sahibi Müxalifət Platformasından olan millət vəkili Taras Kozaka qarşı sanksiya tətbiq edib. Daha sonra "112. Ukrayna", "NewsOne", "ZIK" və bəzi digər kanalların yayımını dayandırılıb.